Onte mantivemos unha reunión cos compoñentes de varios grupos musicais tradicionais para sensibilizalos sobre as oportunidades do turismo en Totogalpa e cómo eles poden ser partícipes deste desenvolvemento.
Desde o INPRHU amosóuselle como o turista busca conectar coa poboación local, polo que gusta de coñecer as súas actividades, ritos, artesanías,... e como non, a súa música. Por iso se resaltou a importancia de recuperar e manter os auténticos ritmos nicas (son nica e mazurca), deixando de lado ritmos foráneos como a cumbia ou a ranchera.
Os grupos presentaron as súas necesidades, tanto de instrumentos como de indumentaria, que na medida do posible serán achegados con fondos deste proxecto.
Tamén as letras das cancións poden axudar a describir as belezas deste territorio, polo que se convocou un concurso de creación de cancións con ritmos tradicionais e que na súa letra falen de Totogalpa.
Ao rematar a reunión os participantes amosábanse moi contentos por ter participado, e ilusionados coa idea de poder facer o que máis lles gusta, tocar a súa música.
envidia, pura y sana envidia puedo sentir al percibir virtualmemte todas esas sensaciones de un mundo tan lejano cultural, economico y socialmente, pero que viva la diversidad y aprendamos de ella, que nuestra vida se enriquece con las aportaciones de los demás si aprendemos a andar por la vida con los sentidos abiertos para empaparnos con la riqueza vital de los demás.
ResponderEliminar